Babad Asal Muasal Desa Cikidang
Babad Asal Muasal Desa Cikidang
 |
"Monggo, mampir twng Desa Cikidangku" |
Jaman kuna desa kie esih wujud alas gung liwang-liwung, urung akeh pawongan sing manggon netep neng laladan kie, ana pawongan sing manggon nanging udu asli pawongan laladan kiye.
Miturut cerita, pawongan mau sekang laladan jawa kulon wewengkon Padjajaran.
Uga ana pawongan sing asale sekang laladan wetan. Ceritane pawongan mau mlaku
turut alas merga wedi Walandi kasebut Kyai Mbah Raga uga kasebut Imbaraga,
mbarang seda kasarehaken neng iring wetan sing nganti saiki dadi pakuburan umum
laladan kopak siji.
Ana maning pawongan sekang laladan kulon asmane Ki Sembang. Panjenengane
sentana neng Kraton Padjajaran, sing diculik neng kacu utawa begal sing esih
bocah cilik. Sajerone ngupadi, Ki Sembang sinambi gelar kabudayan wayang golek.
Neng kono Ki Sembang dadi dhalang golek kondhang tur sekti merga gentur tapa
brata.
Wektu semono laladan neng kono urung akeh pawongan, esih alas akeh kali. Rikala
semono urung akeh sing ngerti kie laladan ngendi.
Sawijining dina, Ki Sembang lagi siram neng kali, pirsa ana kewan arupa kidang
mlumpat sekang gili kali. Iang batos Ki Sembang menggalih, “Laladan kie aku
arani Desa Cikidang” , ngemu werdi Ci kuwe kali dene Kidang kuwe wujuding kewan.
Saben dina Ki Sembang turut alas nggoleti putra ratu Padjajaran sinambi ndalang
golek. Sinambi ndalang wara-wara menawa laladan kuwe arane Cikidang.
Salah sawijining panggonan Ki Sembang pirsa akeh kewan wana lagi mangan ron
utawa godhong waru uga ana neng pinggir kali. Sapandurat Ki Sembang ngudaraos
laladan iki tek arani Ciwaru, Ci kuwe kali deneWaru aran wit-witan. Kuwe uga
dibiwarakake neng tontonan wayang golek.
Mlaku ngulon butul pinggir kali (kali benguk), panjenengane keder, mandeg mangu
ora ngerti lor kidul wetan utawa kulon. Iang batos ngendhika laladan kie
diarani Cimangu. Ci kuwe kali dene Mangu merga mangu-mangu, sing grumbule arane
Grumbul Pabrik merga neng kono gawe Pabrik Nila sing digawe karo kungkuman wit
Tom sing gunane kanggo gawe jarit.
Sekang ngkono Ki Sembang ngidul turut pinggir kali, butul panggonan Ki Sembang
krasa ngelih utawa kencot merga pirang dina ora dhahar. Iang batos ngendhika
laladan kie diarani grumbul Cilapar, Ci kuwe kali dene Lapar kuwe ngelih.
Nganti metaun-taun anggone nggolet putra ratu Padjajaran ora ketemu.
Ana pawarta sekang Kadipaten Ajibarang kedhatengan prajaka ngangken bocah
sekang Padjajara sing derumat kawit cilik butul gedhe neng kluwarga kacu utawa
begal. Nanging prajaka mau ora gelem nerima ngelmune kacu.
Dene ceritane Ajibarang ana dheweke ora ana sambung rapete karo
asal muasale Desa Cikidang.
Butule puput yuswa Ki Sembang ana Cikidang di sarehaken neng
Cilapar, pramila kuburan Cilapar kasebut kuburan Ki Sembang. Dene kuburan kopak
siji kasebut kuburan Imbaraga. Neng Ciwaru kasebut kuburan Dipatirta, kasebut
Dipatirta merga arane Dipatirta kaping loro putrane Dipatirta Curugawu putrane
Kyai Mas Ngabehi Jayasnga alias Singadipa lurah Prajurit Ajibarang kasebut
Bupati Mancapraja.
Pengracik
: M.Kusmantoro
Panyerat : K.P Shinta
Panyerat : K.P Shinta
0 komentar